चलसंगी गुणगान गाबो
चलसंगी गुणगान गाबो, घांसीबबा के।
गुरु के नांव बगराबो, सतनाम के।
CLICK & SUPPORT
गिरौदपुरी के नाम हे, देशबिदेश म।
पंथ चलतहे ईहां, गुरुआदेश म।
अमृत कुंड के पानी, देथे जिनगानी ।
सुग्घर धाम एहर, छत्तीसगढ़ प्रदेश म।
चल संगी आशीष पाबो, बाबाधाम के।
गुरु के नांव बगराबो, जै सतनाम के।
मनखे मनखे एके ये, गुरु संदेश म।
ऊंच नीच दूर होथे, जेकर उपदेश म।
मिलजुल रहना हे, बबा के कहना ये।
नई उलझ साथी, अब दुख कलेश म।
पिरित भाव जगाबो, जे हावे काम के।
गुरु के नांव बगराबो, जै सतनाम के।
