माता के महिमा

” माता के महिमा “
………………………….

जय ,जय हो मइया दुर्गा,
तोरेच गुण ल सब गावै।
जय ,जय हो मइया अम्बे,
सब तोरेच महिमा बखावै।।
तोर शरण म आए बर मइया,
जन-जन ह सोहिरावै।।
जय,जय हो मइया दुर्गा……..

पापी मन के नाश करे बर,
दुनिया में तैं अवतारे।
दानव मन ल मार के दाई,
ये जग ल तैं ह उबारे।।
पापी ,अतियाचारी असुरा मन ,
सब देख तोला डर्राये।।
जय-जय हो मइया दुर्गा………

शक्ति रूप धरे तै जग में,
दुर्गा काली कहाए।
महिषासुर जइसे दानव ले,
ये धरती ल तैं ह बचाए।।
आदि शक्ति तैं माता भवानी,
सब तोरेच लइका कहाए।।
जय,जय हो मइया दुर्गा……  

 

       🌹रचनाकार🌹
        महदीप जंघेल
       ग्राम- खमतराई
    विकासखण्ड-खैरागढ़
  जिला-राजनांदगांव(छ.ग)

(Visited 36 times, 1 visits today)