गणपति बाबा

आरती सजा के आयेँव हँव द्वार तोर।
हे गणपति बाबा सुन ले विनती मोर।

तोर आशीष से भाग चमक जाही।
निर्धन हर घलो रहिस बन पाही।
तोर दया से जिनगी होही अँजोर।
हे गणपति बाबा सुन ले विनती मोर।
******
मुषवा म सवार होके घर मोर आये।
रिद्धि सिद्धि ला संग म प्रभु तैं लाये।
देवा के जयकारा होवत हे चारों ओर।
हे गणपति बाबा सुन ले विनती मोर।
****
तैं हावस प्रभु विद्या बुद्धि के दाता।
तोर मोर हावै जनम -जनम के नाता।
भक्त भगवान के टूटे झन माया डोर।
हे गणपति बाबा सुन ले विनती मोर।
****
एक बछर मा देवा नौ दिन बर आथस ।
सब्बो के जिनगी म खुशियाँ दे जाथस।
गणपति कृपा से आही सुनहरा भोर।
हे गणपति बाबा सुन ले विनती मोर।
******
गीता सागर