मोर दंता ओ शिरी – तोषण चुरेन्द्र

0 207

मोर दंता ओ शिरी – तोषण चुरेन्द्र

छत्तीसगाढ़ी रचना
छत्तीसगाढ़ी रचना

मोर दंता ओ शिरी… आरती तोर उतारँव
गंगा के पानी धरके ओ दाई तोर चरन ला पखारँव
मोर दंता ओ शिरी…..

दंतेवाड़ा मा बइठे ओ दाई दंताशिरी सुहाये
बड़ सिधवा हम तोरे लइका महतारी तिही कहाये
नरिहर बंदन फूल दसमत संग तुहिला मँयहा मनावँव
मोर दंता ओ शिरी……

महिमा तोरे बरनी न जाये नवदुर्गा तँय कहाये
कभू काली कभू चंडी बनके दानव ला मार गिराये
दरस देखादे तँय हा हो माता चरनन माथ नवावँव
मोर दंता ओ शिरी…….

पांच भगत मिल जस तोर गावय जय होवय ओ तोरे
भर दे झोली खाली ओ दाई अरजी ल सुनले मोरे
मिलके दिनकर काहत हावय तोरेच गुन ला सुनावँव
मोर दंता ओ शिरी…….

तोषण चुरेन्द्र “दिनकर”

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy