मोर गांव मे नवा बिहान

मोर गांव मे नवा बिहान

झिटका कुरिया अब नंदावत हे,
सब पक्की मकान बनावत हे ,
खोर गली  सी सी अभियान आगे ,
अब मोर गांव मे  नवा बिहान आगे।
खाए बर अन ,तन बर कपड़ा ,
खाए  पीये के अब नईहे लफड़ा ,
रोजी मजूरी बर रोजगार गारेंटी अभियान आगे ,
अब मोर  गांव मे नवा बिहान आगे ।
कुआ बऊली डोंड़गा नरवा ,
बोरींग नदीया बांधा तरिया ,
सुघर साफ सुथरा करे के,
सब ल गियान आगे ,
अब मोर गांव मे नवा बिहान आगे!!

    दूजराम साहू                   
जिला राजनांदगांव (छ.ग़)