सुभाषचंद्र बोस पर हिन्दी कविता

सुभाषचंद्र बोस

भारत माँ के दुलरवा के जी….
बस अतकेच्च कहानी हे |
हिन्द के मान रखेबर ओखर,
माटी मिले जुवानी हे ||

1. 1897 मा, कटक क्षेत्र मा जन्मे |
   तेरहझन भाई-बहिनी के, खेले जी सँग में ||
   जानकीनाथ – प्रभावती के…. 2
   बड़ सुग्घर निशानी हे |
   हिन्द के मान रखेबर……
2. अंग्रेज बैरी ले लड़ेबर, बड़ उदिम अपनाइस |
   जापान के सहयोग ले, “आजाद हिंद फौज” बनाइस ||
   “दिल्ली चलो”, “जय हिंद” के नारा… 2
   ले जागे सेनानी हे |
   हिन्द के मान रखेबर…….
3. “तुम मुझे खून दो मैं तुम्हे आजादी दूँगा”
   कपटी ब्रिटिश सरकार को, यहाँ न पलने दूँगा ||
   भारत माँ के नेता जी तो…. 2
   वीर-शहीद-बलिदानी हे |
   हिन्द के मान रखेबर ओखर,
   माटी मिले जुवानी हे |
   भारत माँ के दुलरवा के जी……

दिलीप टिकरिहा “छत्तीसगढ़िया”
पिरदा (भिंभौरी) बेरला-बेमेतरा
9753304788,6263337664