KAVITA BAHAR
SHABDON KA SHRIGAR

सरकारी योजना के लाभ (sarkari yojna ke labh)

0 88

सरकारी योजना के लाभ 


सरकारी योजना के लाभ

देखो अगर तुमला लेना हे,

त अठारह बछर के बाद  

अउ साठ के आगु मरना हे …

चाहे नउकरी पाना होवय

या बीमा लेय बर परही ,

तब घर के चतुरा कहिथे

ये डोकरा ह कब ले मरही ….

कहूं जादा लाभ लेना हे त

मरे के योजना बनाना हे ,

जहर,फांसी ले नइ मरके

एक्सीडेंट बर झपाना हे ..….

मरे के बखत सरग ह दिखथे

यहु त एक ठन बड़ सजा हे,

घर के बाबू,ऑफिस के बाबू

अउ बस उँकरे ख़ूब मजा है ..

झन मिले अनुकंपा अउ बीमा

ये जोड़ी,जांगर संग बने रहन,

सौ बछर ले उपराहा  जियन

बीते जिनगी संग प्रभु भजन..



       — *राजकुमार मसखरे*

Leave A Reply

Your email address will not be published.