पगला कहे दुनिया समझाये सबो मोला ।
का तोर मया हे दिखलाये सबो मोला ।।
मन मोर भरम जाये वो ही गोठ ला करथें
दुरिहा चले जावों भरमाये सबो मोला ।
मँगनी के मया नोहे मया हावे जनम के
निंदा करें सब झन बिचकाये सबो मोला ।
कइसे तोला छोड़ँव मर जाहूँ लगे अइसे
अर्थी मा मढ़ाये अलगाये सबो मोला ।
अब तोर बिना सपना सबो अँगरा लगे हे
सपना मोला खोजे दँवलाये सबो मोला ।
गुन गुन के परेशान करे मोर जँवारा
काँटा के बिछौना घिरलाये सबो मोला ।
का नाम धरे हस तै बता दे ये मयारू
चिनहा बता अब तो मँगवाये सबो मोला ।
कोशिश करे दुनिया मर जाये अब मुदिता
दिन रात हे पाछू सुलगाये सबो मोला ।
*माधुरी डड़सेना"मुदिता"*