दुर्गा या आदिशक्ति हिन्दुओं की प्रमुख देवी मानी जाती हैं जिन्हें माता, देवी, शक्ति, आध्या शक्ति, भगवती, माता रानी, जगत जननी जग्दम्बा, परमेश्वरी, परम सनातनी देवी आदि नामों से भी जाना जाता हैं। शाक्त सम्प्रदाय की वह मुख्य देवी हैं।

दर्शन दे द मैया – भोजपुरी देवी गीत

कहवाँ रहेलू मैया
खोजेला बलकवा
तोहरे दरश खातिर
उठेला ललकवा
तोहरा बिना मैया
जिंदगी भईल बा उजाड़
हो…..
दर्शन दे द मैया
होई के तू शेर पर सवार

अड़हूल बेला के
लगइनी फुलवारी
माला ले के अइनी
शरण तिहारी
अपना अचरवा से
बरसाईऽ द पिरितिया अपार
हो…..
दर्शन दे द मैया
होई के तू शेर पर सवार

हमरा लागे मैया
कुछुवो ना बा हो
भक्ति तू देखऽ मैया
जियरा में बा हो
कहवाँ से करीं हम
धूप बाती के जुगाड़
हो…..
दर्शन दे द मैया
होई के तू शेर पर सवार

सब भक्तन के तू
लाज रखेलू
बिगड़ी बनावेलू तू
दुखवा हरेलू
हमरो जिनगिया के
करी द ना तू उजियार
हो…..
दर्शन दे द मैया
होई के तू शेर पर सवार

माया मोह से
मुक्ति दिला द
भवसागर से तू
पार लगा द
देइ द आशीष मैया
करी द तू हमरो उद्धार
हो…..
दर्शन दे द मैया
होई के तू शेर पर सवार

– आशीष कुमार
मोहनिया, कैमूर, बिहार