KAVITA BAHAR
SHABDON KA SHRIGAR

Register/पंजीयन करें

Login/लॉग इन करें

User Profile/प्रोफाइल देखें

Join Competition/प्रतियोगिता में हिस्सा लें

Publish Your Poems/रचना प्रकाशित करें

User Profile

करिया बादर पर कविता

भुँईया के छाती ह फाटगे। पानी सुखागे हे घाट के।

1 526

करिया बादर पर कविता

करिया करिया बादर,तै हा आना।
घटा बनके चुंदी ल छरियाना।
जम्मों जीव रद्दा तोर देखत हे।
गरमी पियास कुहका झेलत हे।
बिजली के बिंदी लगाना।
आँखी म काजर अँजाना।
करिया करिया बादर,तै हा आना।
घटा बनके चुंदी ल छरियाना।
भुँईया के छाती ह फाटगे।
पानी सुखागे हे घाट के।
झमझम ले मौसम बनाना।
सुग्घर नगाड़ा बजाना।
करिया करिया बादर,तै हा आना।
घटा बनके चुंदी ल छरियाना।
नदिया अउ नरवा सुखागे।
कुआँ अउ नल ह अटागे।
नवा बहुरिया अस लजाना।
चंदा कस मुँह ल देखाना।
करिया करिया बादर,तै हा आना।
घटा बनके चुंदी ल छरियाना।
रुख राई कल्पत हे देख ले।
जीव जंतु तड़फत हे देख ले।
अमृत के धार ल बोहाना।
गंगा मैंया हमला तै जियाना।
करिया करिया बादर,तै हा आना।
घटा बनके चुंदी ल छरियाना।

You might also like
Leave A Reply

Your email address will not be published.

1 Comment
  1. Vikas says

    Bahut hi Achha Kavita likha hai sir Apne📝📝📝❤️❤️❤️❤️🎉🎉